შენახვა


გადაგზავნა

დაკომენტარება

ფიტნეს ინსტრუქტორის რჩევები, როგორ შევინარჩუნოთ თვითიზოლაციის რეჟიმში წონა

ახალი ამბები
წყარო:  კახეთის ხმა / https://knews.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 26 მარტი 2020

კორონავირუსის გავრცელების პრევენციის მიზნით მოქალაქეებს თვითიზოლაციის რეჟიმის დაცვა უწევთ, ამიტომ ასეთ დროს ძალიან ძნელია აკონტროლო კვება და წონის მატება.

knews-ს თელავის ერთ-ერთი სპორტდარბაზის ფიტნეს ინსტრუქტორი ანა ჭიჭიაშვილი მოქალაქეებს მოუყვება, რა რეკომენდაციები უნდა გაითვალისწინონ წონის შენარჩუნების მიზნით.

უპირველეს ყოვლისა მადლობა ანა, რომ დავთანხმდით ინტერვიუზე. დამეთანხმებით, რომ თვითიზოლაციაში ყოფნა საკმაოდ რთული პროცესია. ამ მხრიც რა სახის ფიზიკურ დატვირთვას ურჩევთ მოსახლეობას სახლის პირობებში?

– პირველ რიგში ასეთ დროს, მსუბუქი ვარჯიშები უნდა აკეთონ, როგორიცაა : პრესის, გაწელვების, გვერდების, ჩაჯდომების, აზიდვების და ხტუნაობის ვარჯიშები (თუ ეს შესაძლებელია).

როდესაც სახლში დიდ დროს ვატარებთ, მუდმივად გვაწუხებს შიმშილის გრძნობა, როგორ დავიცვათ კვების რეჟიმი?

– ეს მდგომარეობა უფრო ფსიქოლოგიურია ამიტომ თავად უნდა შევეცადოთ გავაკონტროლოთ თავი, რაც შეეხება საკვებს შესაძლებელია 5-ჯერაც ვიკვებოთ, ოღონდ ცოტა რაოდენობით, ასევე აუცილებელია დავლიოთ 2 ლიტრი წყალი მაინც, დღის განმავლობაში.

კვების რაციონიდან რა უნდა ამოვიღოთ და რა სახის პროდუქტები უნდა მივიღოთ უფრო ხშირად?

– რაციონიდან უნდა ამოიღოთ: ცომეული, ტკბილი, მარილიანი და ცხიმიანი, კარგი იქნება თუ ვიკვებებით : ძირითადად ბოსტნეულით და მოხარშული თევზით, ასევე მოხარშული ქათმის ფილეთი და საქონლის ხორცით. უნდა ეცადოთ, რომ დღის პირველ ნახევარში მიიღოთ ნახშირწყლები.

ვარჯიშამდე უნდა ვიკვებოთ თუ ვარჯიშის შემდეგ ?

– ორივე დასაშვებია, ოღონდ აუცილებელია ვარჯიშამდე 2 საათით ადრე მიიღოთ საკვები და შემდეგაც, უკეთსი იქნება, თუ შეეცდებით 8 საათის მერე არ მიიღოთ საკვები.

დღეში დაახლოებით რამდენი საათი უნდა დავუთმოთ ვარჯიშს?

– ერთი საათი ან საათნახევარი სრულიად საკმარისია. უბრალოდ კუნთს სჭირდება აღდგენა. ეს ვარჯიშები უნდა გაკეთდეს დღეგამოშვებით, რადგან, როგორც აღდგენა, ასევე კუნთს ჭირდება დაისვენება.

რას ურჩევდით თვითიზოლაციაში მყოფ ადამიანებს ?

– პირველ რიგში დარჩით სახლში, საკუთარი და სხვისი ჯანმრთელობისთვის. არ დანებდეთ და გააგრძელეთ ცხოვრება ჯანსაღი ცხოვრების წესით.

დასაკომენტარებლად გთხოვთ გაიაროთ ავტორიზაცია/რეგისტრაცია