კახეთი

შენახვა


გადაგზავნა

დაკომენტარება

თელავის ცენტრალური საავადმყოფო კორონავირუსის საეჭვო სიმპტომების მქონე პაციენტებს 6 აპრილიდან მიიღებს

ახალი ამბები
წყარო:  კახეთის ხმა / https://knews.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 02 აპრილი 2020

თელავის ცენტრალური საავადმყოფო კორონავირუსის საეჭვო სიმპტომების მქონე პაციენტების მიღებას 6 აპრილიდან დაიწყებს.

კლინიკის დირექტორი აცხადებს, რომ სამედიცინო დაწესებულების ბოქსირებულ პალატებში საეჭვო პაციენტებს განთავსებენ, კვლევისთვის ნიმუშებს აიღებენ და შესამოწმებლად ლუგარის ლაბორატორიაში გაგზავნიან.

ზურა საჩიშვილი განმარტავს, რომ საავადმყოფომ გამოყო 1 მთლიანი სართული, სადაც 7 ბოქსირებული პალატაა.
,,ველოდებით ჯანდაცვის სამინისტრისგან შესაბამისი აღჭურვილობის გამოგზავნას და ნებართვას. იყვნენ სამინისტროდან ჩამოსულები და ადგილზე განვიხილეთ აღნიშნული საკითხი. პირველ ეტაპზე 7 ბოქსირებულ პალატაში კორონავირუსზე საეჭვი პაციენტებს განათავსებენ, შესაბამის ანალიზებს აიღებენ და თბილისში გაგზავნიან. იმ შემთხვევაში თუ რომელიმე პირს დაუდასტურდება კორონავირუსი, მათ შესაბამის დაწესებულებაში გადაიყვანენ”, – განუცხადა knews. Ge-ს ზურაბ საჩიშვილმა.
საჩიშვილის ინფორმაციით, პაციენტების მათთან ექიმის დანიშნულების მიხედვით გადაუდებელი სასწრაფო სამედიცინო დახმარების ბრიგადა მოათავსებს.

მისივე თქმით, თელავის ცენტრალურ საავადმყოფოს მედიკოსებს ჯანდაცვის სამინისტროს წარმომადგენლებმა ტრენინგები უკვე ჩაუტარეს.

დასაკომენტარებლად გთხოვთ გაიაროთ ავტორიზაცია/რეგისტრაცია