შენახვა


გადაგზავნა

დაკომენტარება

ლანჩხუთში 500 - მდე მოწყვლადი კატეგორიის ოჯახებისთვის პირველადი მოხმარების სასურსათო პროდუქტები დარიგდა

პოლიტიკა
წყარო:  გურიის მოამბე / http://guriismoambe.com/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 11 აპრილი 2020

კორონავირუსის გავრცელებასთან დაკავშირებით გურიის რეგიონში მოსახლეობისთვის სურსათის გადაცემა გრძელდება. ამჯერად, ლანჩხუთის მუნიციპალიტეტში 500 - მდე მოწყვლადი კატეგორიის ოჯახებისთვის პირველადი მოხმარების სასურსათო პროდუქტები დარიგდა.

სასურსათო კალათა გურიის მხარისა და ადგილობრივი ხელისუფლების წარმომადგენლებმა მარტოხელა ხანდაზმულებს, მრავალშვილიან, სოციალურად დაუცველ ოჯახებს სახლში მიუტანეს და მათ საჭიროებებს ადგილზე გაეცნენ.

„ მაქსიმალურად შევეცდებით, რომ ჩვენს თანამოქალაქეებს ყოფა შევუმსუბუქოთ და დახმარება გავუწიოთ. მთავარია, მათ დაიცვან დაავადებათა კონტროლის ცენტრის შესაბამისი რეკომენდაციები და დარჩნენ სახლში“ - განაცხადა გურიის მხარის რწმუნებულმა, ზურაბ ნასარაიამ.

როგორც ლანჩხუთის მერმა ალექსანდრე სარიშვილმა აღნიშნა, მათთვის მნიშვნელოვანია, ასეთ დროს მოსახლეობის დახმარება. საკვები პროდუქტების ეს კალათა, მიეწოდება იმ ადამიანებს, რომლებიც დახმარებას საჭიროებენ. პროდუქტების დარიგების პროცესში ჩართულია მოხალისეებიც.

"გურიის მხარე"

დასაკომენტარებლად გთხოვთ გაიაროთ ავტორიზაცია/რეგისტრაცია