კახეთი

შენახვა


გადაგზავნა

დაკომენტარება

თელავში აგრარულმა ბაზარმა შესაძლოა ფუნქციონირება განაახლოს

ახალი ამბები
წყარო:  კახეთის ხმა / https://knews.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 13 აპრილი 2020

თელავის მუნიციპალიტეტში, აგრარულმა ბაზარმა შესაძლოა ფუნქციონირება გაანახლოს. 

როგორც აგრარული ბაზრის დირექტორმა Knews-ს განუცხადა, ბაზრის ტერიტორიაზე, უსაფრთხოების ნორმების დაცვით, დაიწყო  მოწესრიგება, რაც მათ საშუალებას მისცემთ ბაზარი უახლოეს მომავალში გაიხსნას.

,,გადაიხურება გარკვეული დახლები, ბაზრის ტერიტორიაზე გამოვიყვანთ წყალს და ამოივსება ორმოებიც. რამდენიმე დღეში შეგვამოწმებს სურსათის უვნებლობის სამსახური და თუ დავაკმაყოფილებთ უსაფრთხოების ნორმებს, მუშაობას განვაახლებთ”, – განუცხადა knews -ს მერაბ თურქოშვილმა.

თელავის აგრარული ბაზარი 5 აპრილს დაიხურა. თელავის ბაზარში ოთხმოცზე მეტი მოვაჭრე და ათობით მცირე მაღაზია მუშაობდა. ბაზარი ქალაქის ცენტრალურ ნაწილშია განთავსებული და არამხოლოდ თელავის, კახეთის სხვა მუნიციპალიტეტების მოსახლეობასაც ემსახურებოდა.

 

ავტორი: მარიამ ოქროცვარიძე

დასაკომენტარებლად გთხოვთ გაიაროთ ავტორიზაცია/რეგისტრაცია