შენახვა


გადაგზავნა

დაკომენტარება

"სახელმწიფომ ჩვენი ყველაზე მოწყვლადი მოსახლეობა გაწირა"

პოლიტიკა
წყარო:  გურიის მოამბე / http://guriismoambe.com/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 12 აპრილი 2020

"სახელმწიფომ, იმის გამო რომ არ გააჩნია ერთიანი პოლიტიკა ფორს-მაჟორულ სიტუაციისთან მიმართებაში, ჩვენი ყველაზე მოწყვლადი მოსახლეობა გაწირა", - ამის შესახებ პარტია "ტრიბუნას" ლიდერმა, დავით ჭიჭინაძემ განაცხადა.

ჭიჭინაძის თქმით, ერთის მხრივ ფაქტია ის, რომ ფინანსურ კომპანიების უმრავლესობას ხელშეკრულებაში აღარ უდევს ფორს-მაჟორი, რამაც 2008 წელს ბევრი ადამიანი გადაარჩინა, მაშინდელი ომის პირობებში ქონების დაკარგვისგან; მეორეს მხრივ, მინისტრ წულუკიანის განკარგულება, რომლის მიხედვითაც ამუშავდა ეროვნული აღსრულების ბიურო, რაც ნიშნავს იმას, რომ სახელმწიფო გამოვიდა მხოლოდ მევახშეების, მიკროსაფინანსო ორგანიზაციების, ფინანსური სტრუქტურების დამცველი და უმუშევარი, შემოსავლების გარეშე დარჩენილი ადამიანები პირისპირ დატოვა ამ „მოძალადეებთან“.

„სახელმწიფომ, იმის გამო რომ არ გააჩნია ერთიანი პოლიტიკა ფორს-მაჟორულ სიტუაციისთან მიმართებაში, ამით ჩვენი ყველაზე მოწყვლადი მოსახლეობა გაწირა. რადგან სწორედ ეს ერთიანი პოლიტიკა, ასევე ყველას ვალდებულების გაჩერება ყველას მიმართ, რასაც საქართველოში კოვიდის დაფიქსირების მეორე დღიდანვე მოვითხოვ, იქნებოდა უპირველესი გადარჩენა ხალხისთვის. მითუმეტეს, რომ გვაქვს საგანგებო სიტუაცია თავისი კომენდანტის საათით,“ - აცხადებს დავით ჭიჭინაძე.

დასაკომენტარებლად გთხოვთ გაიაროთ ავტორიზაცია/რეგისტრაცია