შენახვა


გადაგზავნა

დაკომენტარება

"სიმპტომები 7 აპრილს დამეწყო, იქამდე წირვა ჩავატარე"- ინფიცირებული სასულიერო პირის პირველი კომენტარი

პოლიტიკა
წყარო:  გურიის მოამბე / http://guriismoambe.com/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 14 აპრილი 2020

ვერის წმ. იოანე ღვთისმეტყველის ტაძრის მღვდელმსახური გიორგი პაპავა, რომელსაც ახალი კორონავირუსი დაუდასტურდა, პირველ კომენტარს აკეთებს.

საზოგადოებრივი მაუწყებლისთვის მიცემულ სატელეფონო ინტერვიუში სასულიერო პირი აღნიშნავს, რომ სიმპტომები 7 აპრილს, ხარების დღესასწაულის საღამოს დაეწყო.

"სიმპტომები დამეწყო ხარებას. საღამოს სიცხემ ამიწია, დაახლოებით, 38-მდე, მეორე დღეს უფრო მეტი - 39. მერყეობდა. ყველა დისტანციურად ვართ ხოლმე და მაქსიმალურად კონტაქტი არ მქონია [წირვაზე სხვებთან], შორს ვიდექით ყველა. არც აღსარებაზე გავდივართ, რაც დღის წესრიგში ეს საკითხი დადგა. უწმინდესმა გვაკურთხა, რომ აღსარება მაქსიმალურად შეგვეზღუდა და მეც ასე ვცდილობდი,"- აცხადებს მამა გიორგი.

მისივე თქმით, ის 8 აპრილსაც იყო ეკლესიაში ღვთისმსახურების აღსავლენად, რადგან ოთხშაბათი მისი მსახურების დღეა.

"იმ დღეს ვიმსახურე მე, მაგრამ ტაძარში მხოლოდ ერთი ადამიანი იდგა ბოლოში და მსახურებაში მონაწილეობა არ მიუღია,"- ყვება მამა გიორგი.

 

დასაკომენტარებლად გთხოვთ გაიაროთ ავტორიზაცია/რეგისტრაცია