შენახვა


გადაგზავნა

დაკომენტარება

პოლონეთის სოლიდარობის ფონდმა დახმარების გაწევა გურიიდან დაიწყო

პოლიტიკა
წყარო:  გურიის მოამბე / http://guriismoambe.com/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 14 აპრილი 2020

პოლონეთის მთავრობა დასავლეთ საქართველოში დახმარებას გურიიდან იწყებს

სოლიდარობის ფონდმა PL, “კოვიდ 19” - ის წინააღმდეგ, პრევენციული აქტივობების ფარგლებში, გურიის რეგიონის მუნიციპალიტეტებისთვის, სახელმწიფო რწმუნებულის ადმინისტრაციას, სადეზინფექციო ხსნარები, ხელის ანტისეპტიკები, მრავალჯერადი გამოყენების მაღალი ხარისხის პირბადეები და შესაწამლი აპარატები გადასცა.

ღონისძიებას ფონდის დირექტორი იუსტინა კუცუკი, გურიის მხარის რწმუნებული ზურაბ ნასარაია, ოზურგეთის საკრებულოს თავმჯდომარე დავით დარჩია და საკრებულოს წევრები ესწრებოდნენ.

„ ჩვენმა პარტნიორებმა, "სოლიდარობის ფონდი პლ საქართველოში" გუნდის წევრებმა გადმოგვცეს კოვიდ -19 ბრძოლის პრევენციული საშუალებები. აღჭურვილობას შესაბამისი სამსახურები კორონავირუსის გავრცელების წინააღმდეგ გასამართი სხვადასხვა პრევენციული ღონისძიებისთვის გამოიყენებენ. მინდა მადლობა გადავუხადო პოლონეთის მთავრობას, მხარდაჭერისა და თანადგომისთვის“- განაცხადა ზურაბ ნასარაიამ.

როგორც საკრებულოს თავმჯდომარემ შეხვედრისას აღნიშნა, ოზურგეთის მუნიციპალიტეტის საკრებულოს და სოლიდარობის ფონდს, პარტნიორული ურთიერთთანამშრომლობის წარმატებული გამოცდილება აქვს, რაც სამოქალაქო ბიუჯეტის დანერგვას და კიდევ უფრო განვითარებას მოიცავს.

„მჯერავს, რომ ასეთი თანადგომითა და მხარდაჭერით ჩვენ შევძლებთ ერთად დავძლიოთ არსებული გამოწვევები. ერთმანეთის მხარდაჭერას მომავალშიც გავაგრძელებთ“ - დავით დარჩია.

სოციალური აქტივობისთვის გრანტი პოლონეთის საგარეო საქმეთა სამინისტრომ გამოყო.

დასაკომენტარებლად გთხოვთ გაიაროთ ავტორიზაცია/რეგისტრაცია