გურია

შენახვა


გადაგზავნა

დაკომენტარება

სააკაშვილი: მე ვიქნები თქვენთან ერთად ხელჩაკიდებული, ოქტომბერში ივანიშვილის დამარცხების ფრონტზე

პოლიტიკა
წყარო:  გურიის მოამბე / http://guriismoambe.com/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 09 ივლისი 2020

„მე ვიქნები თქვენთან ერთად ხელჩაკიდებული, ოქტომბერში ივანიშვილის დამარცხების ფრონტზე“, - საქართველოს მესამე პრეზიდენტი და უკრაინაში რეფორმების საბჭოს თავმჯდომარე მიხეილ სააკაშვილი ქართველ ხალხს გვერდში დგომას და ივანიშვილის დამარცხებას ჰპირდება. 

მისი განცხადებით, საქართველოში არსებული უკანონობა უნდა დასრულდეს, რადგან ბიძინა ივანიშვილი თავის გუნდთან ერთად, საქართველოში მოსკოვის დაკვეთას ასრულებს.

„საქართველოში ივანიშვილმა დააბრუნა 90 წლების კრიმინალების თარეში. მისი შვილი ბერა, რომელიც კანონიერ ქურდთან და მის შვილთან „კაწროსთან“ მეგობრობს, შექმნეს კრიმინალების დაჯგუფება, რომელიც დადის და ხოცავს ახალგაზრდებს.

ივანიშვილის ძმამ და მისმა პარტნიორმა ასკენელებმა შექმნეს გაკრიმინალებული სპორტსმენების და ბანდიტების დაჯგუფება, რომელიც ატერორებს, აშინებს პოლიტიკურ ოპონენტებს.

ეს არის „ბესპრეძელშიკების“ გაბატონება საქართველოში. საქართველოს არ ჰყავს მთავრობა, ის მთლიანად არალეგიტიმურია. არ ვცნობ არცერთი წამით მის კანონიერებას და არც იმ სიტუაციის კანონიერებას, რომელიც ამ დროისთვის არის საქართველოში. პირველად, დამოუკიდებლობის შემდეგ, ამერიკის კონგრესმა დაგვადო სანქციები, ჩვენ, როგორც ქვეყანას. ჩვენ ვიყავით ყოველთვის მთავარი მიმღები მსოფლიოში ამერიკის დახმარების. ჩვენ ვიყავით სანიმუშო, სამაგალითო ქვეყანა და ახლა ივანიშვილმა სამუდამოდ მოგვჭრა თავი, ყოველ შემთხვევაში, სანამ არის იქ.

ჩემი ბრძოლა იქნება ძალიან გადამწყვეტი. მოსწონს ეს ვიღაცას, არ მოსწონს, უნდა ვიღაცას, რომ ვიყო წინა ხაზზე თუ არ ვიყო, მე ვიქნები წინა ხაზზე და გპირდებით, რომ მე ვიქნები თქვენთან ერთად, ხელჩაკიდებული, ოქტომბერში ივანიშვილის დამარცხების ფრონტზე და საქართველოს გადარჩენის ფრონტზე. ეს უკანონობა და არალეგიტიმურობა უნდა დამთავრდეს. ესენი არიან ბანდიტების ხროვა და დაჯგუფება, ისინი საქართველოს მტრები არიან, რომლებიც მოსკოვის დაკვეთას ასრულებენ“, - განაცხადა სააკაშვილმა.

დასაკომენტარებლად გთხოვთ გაიაროთ ავტორიზაცია/რეგისტრაცია