არ ვიქნები პარლამენტის წევრი და არ დავიკავებ თანამდებობას მთავრობაში - ვანო მერაბიშვილის განცხადება

გადავწყვიტე გაცნობოთ, რომ არ ვიქნები პარლამენტის წევრი და ასევე, არ დავიკავებ რომელიმე თანამდებობას მომავალ მთავრობაში - ყოფილი პრემიერ-მინისტრი ვანო მერაბიშვილი საგანგებო განცხადებას სოციალურ ქსელში ავრცელებს. მერაბიშვილი წერს, რომ განახლებული ნაციონალური მოძრაობა არის ერთადერთი ძალა, რომელსაც შესწევს უნარი, გადამწყვეტი როლი შეასრულოს ამ ბრძოლაში, დაასრულოს არჩევნები გამარჯვებით და ხალხს დაუბრუნოს მომავალი.

მე ვიქნები ჩართული ივანიშვილის რეჟიმის წინააღმდეგ ბრძოლაში, ოღონდ ეს იქნება ბრძოლა არა პირადი სარგებლისთვის, არამედ ბრძოლა ჩემი ხალხის მომავლისთვის,- ნათქვამია საგანგებო მიმართვაში.

ვანო მერაბიშვილის ოპოზიციაზეც წერს და ამბობს, რომ დღეს სამწუხაროდ, ოპოზიციიდან უფრო ხშირად ისმის პოლიტიკური ვაჭრობა, მანდატებისა და სკამების გადანაწილებაზე საუბარი, ვიდრე საზოგადოებისთვის ალტერნატივის შეთავაზება.