ლანჩხუთში, ქალაქის ტერიტორიაზე ტროტუარების კეთილმოწყობა მიმდინარეობს

რეგიონში განსახორციელებელი პროექტების ფონდიდან ქალაქის ცენტრალურ ქუჩაზე ტროტუარებისა და საფეხმავლო ბილიკების მოწყობა მიმდინარეობს.
პროექტის ფარგლებში შეიცვალა სასმელი წყლის სისტემა, მოწესრიგდა სანიაღვრე არხები, მოეწყო ბორდიურები, მოწესრიგდა საფეხმავლო ბილიკები. ასევე შეიცვლება გარე განათების სისტემა, მოეწყობა გაზონები და დაირგვება ნეკერჩხლის ნერგები.
პროექტის ღირებულება 1 600 000 ლარს შეადგენს.
სამუშაოები მუნიციპალიტეტის მერმა, ალექსანდრე სარიშვილმა საკრებულოს დეპუტატ, გიგი გვარჯალაძესთან ერთად ადგილზე დაათვალიერა.