ახალგაზრდა ბიჭი მესამედ მივიდა მამაოსთან-მეცეკვეო...ნამდვილი ამბავი

 მოკლედ, ნამდვილი ამბავია. გურიაში ხომ ვარ ბოლო დროს ხშირად, ჩოხატაურში, ჰოდა, ფაროსანას წამლობა ხომ ხდება იქ? ნისლივით რომ უშვებენ. მოიწონეს  მოკლედ თავი და დააყენეს ეს მანქანები, პიკაპები, რომლითაც წამლობა ხდება და დადიან და აცხადებენ-ღამით 11 საათზე ვიწყებთ მძინარე ფაროსანასთან ბრძოლასო. 

ამ წამალს ნავთს ურევენ მოკლედ და  გაგიჟდნენ გურულები, კომენტარები იყო ძაან მაგარი, ერთი უძახის, წაით ბიძია მაგი გამგეობაში შეაფუტეო. 

ერთი კაცი მომიბრუნდა და მეუბნება, "შენ აქ გამოჩნდი, მას მერე  ნავთი უკვე მოგვასხა მთავრობამ და წაი თუ კაცი ხარ სანამ ანთებულ ასანთსაც გადმოგვიგდებენო"

ერთი ნამდვილი ამბავი კიდე-მოკლედ, გურიაში სუფრასთან დათვრა ახალგაზრდა ბიჭი, მივიდა  მამაოსთან-ეუბნება მეცეკვეო. ეცეკვა მამაო. მეორედ კიდე ადგა, მივიდა-მეცეკვეო. ეცეკვა მამაო. მერე მესამედ მივიდა და მოუბრუნდა მღვდელი და ეუბნება-შენ ბიძინა აი შავი ანაფორა რომ მაცვია ქვრივი ხომ არ გგონივარო?