შენახვა


გადაგზავნა

დაკომენტარება

ევროკავშირის ელჩი ახმეტასა და პანკისში შეხვედრას გამართავს

ახალი ამბები
წყარო:  კახეთის ხმა / https://knews.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 21 თებერვალი 2019

22 თებერვალს ახმეტასა და პანკისის ხეობაში, ევროკავშირის ელჩი შეხვედრას გამართავს.
კარლ ჰარცელი სიტყვით გამოვა ახმეტის მუნიციპალიტეტში სოფლის განვითარების პროექტის გახსნაზე. საქართველოში ევროკავშირის წარმომადგენლობის ინფორმაციით,
პროექტის ფარგლებში სხვა აქტივობებთან ერთად შეიქმნება ადგილობრივი განვითარების ჯგუფი (LAG). პროექტს ევროკავშირის დახმარებით ახორციელებს ორგანიზაცია “მოძრაობა შიმშილის წინააღმდეგ” (Action Against Hunger).
დღის მეორე ნახევარში ევროკავშირის ელჩი და საქართველოს სახელმწიფო მინისტრი შერიგებისა და სამოქალაქო თანასწორობის საკითხებში, ქეთევან ციხელაშვილი პანკისის ხეობაში გაემგზავრებიან. ისინი პანკისში ადგილობრივ ხელისუფლების წარმომადგენლებთან შეხვედრას გამართავენ.
გარდა ამისა, ისინი ბირკიანში საჯარო სკოლას ეწვევიან და შეხვდებიან პედაგოგებს, რომლებიც ცოტა ხნის წინ სასწავლო ვიზიტით ბრიუსელში იმყოფებოდნენ.

დასაკომენტარებლად გთხოვთ გაიაროთ ავტორიზაცია/რეგისტრაცია