შენახვა


გადაგზავნა

დაკომენტარება

ყვარელში ღვინის სოფლის მშენებლობა გაზაფხულზე დაიწყება

ახალი ამბები
წყარო:  კახეთის ხმა / https://knews.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 12 იანვარი 2021

ყვარელში, ქინძმარაულის მიკროზონაში მალე პროექტის „ქინძმარაული ღვინის სოფლის“ მშენებლობა დაიწყება.

კომპანიაში აცხადებენ, რომ KTW ჯგუფის შვილობილი კომპანიის KTW Development-ისა და ცნობილი ფრანგული არქიტექტორული კომპანიის BPM Architectes-ის ერთობლივი პროექტი, ყვარელში განხორციელდება.მისი თქმით, ის ქართული სტუმარმასპინძლობისა და ევროპული გამოცდილების იდეალურ სინთეზს წარმოდგენს. BPM Architectes ღვინის თემატიკის მსხვილი პროექტების მშენებლობით ერთ-ერთი წამყვანი კომპანიაა საფრანგეთის ქალაქ ბორდოდან, “ქინძმარაული ღვინის სოფელი“ სწორედ ამ კომპანიის პირველი პროექტია საქართველოში.

,,სოფელი 35.5 ჰა ტერიტორიაზე გაშენდება. პროექტი მოიცავს საცხოვრებელ ვილებს, რომელთა არქტიტექტურა ბუნებას ჰარმონიულად შეერწყმება. 9 ჰა რეკრეაციული ზონა ბუნებრივი ტყით, ნაკადულებითა და ხელოვნური ტბით მოეწყობა. სოფელი გასტრონომიულ წერტილებს, ღვინის მაღაზიას, სპორტულ, საბავშვო მოედნებსა და ტურისტულ ატრაქციებს გააერთიანებს. 8 ჰა მიწაზე ქართული უნიკალური ჯიშების ვენახი გაშენდება. შატო „ქინძმარაული ვილიჯში” კი ადგილობრივი მოსავლიდან გადამუშავდება და ჩამოისხმება ღვინო. კომპლექსის ინფრსტრუქტურა ასევე გულისხმობს საფეხმავლო/ველო ბილიკებსა და ზიპლაინს, რაც ადგილობრივი სივრცის აღქმის საუკეთესო საშუალებაა. ტერიტორიაზე განთავსდება ბიზნეს ჰაბი „ბიზნესლაუნჯით“, სხვადასხვა სახის „ქო-ვორქინგ“ და საკონფერეციო სივრცეებით, რაც დისტანციურ მუშაობას კიდევ უფრო კომფორტულს გახდის”,-აცხადებენ კომპანიაში.

ზღვის დონიდან 750 მეტრზე გაშენებული კომპლექსის პროექტის მშენებლობა გაზაფხულზე დაიწყება. აღნიშნულ პროექტში KTW ჯგუფი უპრეცედენტო, 50 მილიონი აშშ დოლარის ინვესტიციას განახორციელებს.

დასაკომენტარებლად გთხოვთ გაიაროთ ავტორიზაცია/რეგისტრაცია