შენახვა


გადაგზავნა

დაკომენტარება

მოსამართლემ თელავის საავადმყოფოს დირექტორის მკვლელობის საქმე აიცილა

ახალი ამბები
წყარო:  კახეთის ხმა / https://knews.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 15 აპრილი 2021

თელავის რაიონული საავადმყოფოს დირექტორის მკვლელობაში ბრალდებული პოლიციის მაღალჩინოსნის საქმეზე, თელავის რაიონული სასამართლოს მოსამართლემ საქმე აიცილა.< მოსამართლემ მამუკა წიკლაურმა განაცხადა, რომ მას ბრალდებულთან წარსულში ახლო ურთიერთობა ჰქონდა. “საქმის ობიექტური განხილვის საკითხი ეჭვქვეშ არ დგას,ამის მიუხედავად, საქმეს ვიცილებ. ამ ნაბიჯით ავირიდებთ კითხვის ნიშნებს, რაც შეიძლება შემდგომში გაჩნდეს”- განაცხადა მოსამართლემ.

სახელმწიფო ბრალდებას, მოსამართლის აცილების შუამდგომლობით, თელავის ცენტრალური საავადმყოფოს გარდაცვლილი დირექტორის, ზურაბ საჩიშვილის ადვოკატმა მიმართა. ტარიელ კაკაბაძის განმარტებით, მოსამართლე და ბრალდებული მეზობლები არიან, რაც საქმეზე ჭეშმარიტების დადგენას ხელს შეუშლიდა. ბრალდებულმა და მისმა ადვოკატმა მოსამართლის აცილებას მხარი არ დაუჭირეს და სასამართლო პროცესზე პროკურატურა მიკერძოებაში დაადანაშაულეს.

დღევანდელ სხდომას ბრალდებული ვანო ზანდარაშვილიც ესწრებოდა. დღესვე, მკვლელობაში ბრალდებული მაღალჩინოსანი პოლიციელის საქმეზე, ნაფიცი მსაჯულების შესარჩევი პირველი სხდომა უნდა გამართულიყო. საქმის ნაფიც მსაჯულთათვის გადაცემა, ბრალდებულმა და მისმა ადვოკატებმა 7 აპრილს, წინასასამართლო სხდომაზე მოითხოვეს.

შეგახსენებთ, გამოძიების მტკიცებით, თელავის პოლიციის უფროსის ყოფილმა მოადგილემ ვანო ზანდარაშვილმა, თელავის ცენტრალური საავადმყოფოს დირექტორი ზურა საჩიშვილი, ცეცხლსასროლი იარაღიდან გასროლით, სოფელ იყალთოში 2020 წლის 25 დეკემბერს მოკლა.

მომხდარ ფაქტზე გამიძიება სისხლის სამართლის კოდექსის 109- ე მუხლით მიმდინარეობს, რაც დამამაძიმებელ გარემოებებში ჩადენილ განზრახ მკვლელობას გულისხმობს.

დასაკომენტარებლად გთხოვთ გაიაროთ ავტორიზაცია/რეგისტრაცია